Berlin: Koma Dîlan von Komciwan bei " Karneval der Kulturen" 25 - 28.05.2012

-, Männlich

Aktive/r User/in

Berlin: Koma Dîlan von Komciwan bei " Karneval der Kulturen" 25 - 28.05.2012

von Azadiyakurdistan am 25.05.2012 14:19

Berlîn (Rûdaw) – Di rojên navbera 25 û 28ê Gulanê de li Berlînê karnevala kulturan tê li dar xistin û Koma Dîlan jî li ser navê Kurdan tevlî karnevalê dibe.

Karnevala kulturên cuda îsal roja 27ê Gulanê bi meşa komên çandî li Hermannplatzê dest pê dike û Koma Dîlan û komeke ji Brezilyayê bihev re serkêşiya meşê dikin.

Yek ji endamê komeleya bi navê 'Kurdistan Kultur- und Hilfsverein e.Vʼ Fevzi Aktaş ku berpirsiyarê projeyan e li KOM-KARê bo Rûdawê daxuyand ku ew 15 sal in tevlî vê karnevalê dibe û got, "lê komeleya me ji sala 1974ê ve tevlî çalakiyê dibe." Aktaş berdewamiyê got, "Koma Dîlan li ser navê gelê Kurd tevlî dibe. Weke her salê KOM-KARê barê giran xistiye ser milên xwe û Komciwan Berlîn îsal bi me re bûye hevkar û sponsoriya me dike.

Aktaş hêvî dike di salên bê de komên Kurdan zêdetir bibin û ji bo projeyên wiha hevkariya komele û saziyên Kurdan çêbibin.

Wek ku Aktaş diyar kir 20 ciwan îsal tevlî karnevalê dibin û hemû ne Kurd in, Aktaş dibêje " Ji bo her salekî em grûbeke nû amade dikin lê navê me her Koma Dîlan e, îsal di nava 20 ciwanan de Alman û Efxan jî hene.