Bang û hêvî ji serokê Kurdistanê rêzdar Mesûd Barzanî

[ Go to bottom | Go to latest post | Subscribe to this topic | Latest posts first ]

-, male

Einsteiger/in

Bang û hêvî ji serokê Kurdistanê rêzdar Mesûd Barzanî

from Murad on 03/29/2013 06:01 PM

Wek çilo hûn di hemû wextan de, di xweşî û nexweşiyê de, di şer û cengan de, di şoreş û serhildanan de tim û tim di nav gelê xwe de bûn û we têkoşîna li ser xakê terk nekir û gelê xwe bi tenê nehişt, hûn tim li pêşya wî bûn, û hûn neçûn li derveyî sînoran bi cih nebûn, taku hûn bûn nimûneya serok û rêberê baş û serkeftî.Ji ber ku we tim û tim rêberiya gelê xwe kiriye, û ji meydanên şer û cengan nereviyan, çimkî gelê we di wan rojên zirav û teng de bihewceyî we bû, hûn li xweşiya xwe ya kesane negeriyan û neçûn li hotêlên pênc stêrik bi cih nebûn.

Ji ber hûn baş dizanin ku serok û rêberên baş ew in ên ku li ser xakê kar û xebatê dikin, û gelê xwe di rojên dijwar de bi tenê nahêlin, belê rêberiya wî dikin, em ji cenabê we hêvî û daxwaz dikin ku hûnê hemû serok û rêberên partiyên me yên rojava ji Kurdistanê biqewitînin, û wan agahdar bikin ku îro gelê we bihewceyî we ye, eger hûn îro bi kêrî wî neyên hûnê kînga bi kêrî wî bên. Meznahiya mirovan di rojên teng û dijwar de diyar dibe.

Eger ew kesana xwe serok rêber dibînin bila bên rêberiya gelê xwe li ser xakê bikin, ne ku ji hotêlên 5stêrik biryar, daxwiyanî, zirt û fortan bişînin bê ku li ser xakê tiştek bê kirin û guhertin.

Îro gelê me li rojavayê Kurdistanê di qonaxek zor û dijwar re derbas dibe, ji her wextan bêtir îro bihewceyî serok û rêberên baş e, ew ê ku wî ber bi azadî û rizgariyê ve bibe. Eger ew kesana xwe serok û rêber dibînin bila di van rojên zirav û teng de li nav gelê xwe bin, bila rêberiya wî bikin an jî bila nebêjin em serok û rêberên qonaxa astengiyan in û bila kesî nexapînin.

Li dawî, sibe û piştî gelê me ji vê qonaxa zor û dijwar rizgar bû, bila ew serok û rêber ên ku li Kurdistanê bi cih bûne venegerin, çimkî ew ê wê wextê tenê ji bo berjewendiyên xwe yên kesane vegerin.

Qado Şêrîn

Hollenda

Azadiyakurd...
Admin

-, male

Aktive/r User/in

Posts: 4656

Re: Bang û hêvî ji serokê Kurdistanê rêzdar Mesûd Barzanî

from Azadiyakurdistan on 03/30/2013 06:23 AM

Qado Şêrîn heqê xwe heye wisa binivîse. Ji ber ku gelek serokên partiyên kurdî yên rojava reviyanen Hewlêr û Silêmaniyê. Lê gerek em zanibin ku gelek rêber li sûriyê hatin kuştin wek şehîd Mişel Temo û Ciwan Qetene ji ber wê jî gelek serok reviyan ji bo ku ew jî neyên kuştin.

Silav û Rêz
Azad

Reply Edited on 03/31/2013 09:19 PM.

Dilan

31, female

Aktive/r User/in