Die TAK bedroht intellektuelle Kurden

TAK îja ronakbîrên kurd tehdîd dike



Li gor agahiyeka ku di rojnameya Tarafê a îro de buye manshet, rêxistina bi navê TAK-ê (Teyrebazên Azadiya Kurdistanê) a ku tê îdîakirin ku ser bi PKK-ê ve ye û vê payizê tevî ku agirbestek hebû li Taksîmê êrîsheka xwekujî lidarxist, vê carê ronakbîrên kurd ji bo xwe kiriye hedef.

Li gor agahiyan TAK-ê di daxwiyaniyekê de ku di malpera xwe de meshandiye nivîskar Muhsin Kizilkaya, rojnamevan Mehmet Metiner û hunermendê binavûdang shivan Perwer bi xayintî îlan kiriye û ew kirine hedef. Heta li ser vê pêshveçûnê Emniyeta Îstanbolê ragihandiye Muhsin Kizilkaya ku ji bo ewleyiyê ê zêrevanekî polîs bi amanca parastina jiyana wî bidin ba wî. Wek tê zanîn çend hefte berê jî polîs kesekî ku dihat îdâkirin ser bi PKK-ê ve ye û li pey kushtina Mehmet Metiner bû hat girtin. Berî wê û hê jî dewletê polîs ji bo parastina Metiner daye ba wî.

Taraf radigihîne ku qonaxa tehdîdkirina ronakbîrên kurd di 18-ê sibatê de bi daxwiyaniya Abdullah Öcalan destpêkir ku di dema hevdîtinê wî dabû awukatên xwe.

Di wê daxwiyaniyê de Abdullah Öcalan wiha gotibû: "Di derbareyê shivan wan de ê nirxandinên min hebin. Mehmet Metiner û Orhan Miroglu ez naxwazim navê wan jî bînim ser zimanê xwe. Divê hin ji van re bêjin "hiş be". Bi taybetî yên wek Muhsin Kizilkaya. Wan ev kes bi temamî bi pêwendiyên pereyan bi xwe ve girêdane."

Li gor rojnamê daxwiyaniya TAK-ê pishtî vê nirxandina Öcalan hatiye.

Muhsin Kizilkaya li ser pirsa rojnameyê eshkerekir ku wî jiyana xwe ji bo kurdan û zimanê kurdî terxan kiriye û wiha got: "Ji sala 1977-ê di serî de kurd; li vî welatî mafên kê hatiye xespkirin ez ji bo bextewerî, refah û azadiya wan têdikoshim, ji bo vê kitêban dinivîsim, li her derfeta ku ez dibînim mihawele dikim fikrên xwe derdibirim. 11 kitêbên min ên weshandî hene. Min ji kurdî nêzî 5 hezar rupel wergerandin. Ez xewn û xeyala wî welatî de me ku demokrasiyeka bêkêmasî bicîh bibe, kurd bigihên hemû mafên xwe yên ku ji mafên bingehîn ên gelan çavkaniyên xwe werdigirin, hemî kesên bindest yên xwe di bin êrîsh û azarê de hisdikin bigihîjin azadiya xwe. Hesreta min welatekî wiha ye ku her fikir bi azadî bê minaqeshekirin û herkes xwe welatiyekî bisheref his dike. Sirf ji bo ku ez van dikirim û van dibêjim ez îhtîmal nadimê ku kurdek min bikuje."

Netkurd

HAK-PAR: Em gefa li rewshenbîran shermazar dikin



Enqere, 7 Adar (AKnews) – Cîgirê Serokê Partiya Maf û Azadiyan (HAK-PAR) Îbrahim Kureken, gefa TAKê ya li rewshenbîrên kurd shermezar kir.

I.Kureken, bi daxuyaniyeke nivîskî, da zanîn pishtî Orhan Miroglu, Mehmet Metiner û Shivan Perwer, nivîskarê kurd Muhsin Kizilkaya jî bi kushtinê gef lê xwarine û wiha hate gotin, “Ev dema ku behsa yekitiya kurdan tê kirin, gef li nivîskar, rewshenbîr û hunermendên kurd tê xwarin, ev yek vê gotina tifaqê bêmane dihêle.”

Îbrahim Kureken, ashkere kir ku kesên tim behsa demokrasiyê dikin van gefan dixwin, ev bêbaweriya wan kesan a bi xwe nîshan dide û got, ev yek dijminên kurdan kêfxwesh dike.

Rayedarên polîsên Stenbolê, rojên borî bi sedema ku Teyrênbazên Azadiya Kurdistanê (TAK) gef li nivîskar Muhsin Kizilkaya xwarine, pêshniyar kiribû ku parêzvanan bidinê.

AKnews