Hewlêr: Konferansek li ser zimanê Kurdî

Hewlêr: Konferansek li ser zimanê Kurdî

Jêderekê ji Wezareta Kulturê û Gencan ya Herêma Kurdistanê ragihand ku îro dê ji aliyê wezareta wan ve bi beşdariya zanîngeh û pispor û şarezayên her çar parçeyên Kurdistanê, cara yekê li ser zimanê kurdî konferanseke zanistî bê sazkirin ku biryar e 4 rojan dom bike.

Yek ji amadekarên konferansê û rawêjkarê wezareta kulturê Newzad Ebdulezîz ji AKnewsê re got, "Konferans dê bi beşdariya zanîngehên herêma Kurdistanê û pisporên kurd yên li derve, bi amadebûna serokê herêmê Mesûd Barzanî li Hewlêrê dest pê bike û 4 rojan dom bike."

Ebdulezîz da zanîn ku ev salek e, ji aliyê wezareta wan, rewşenbîr û zimanvanan projeya vê konferansê tê amadekirin.

Bi gotina Ebdulezîz mijarên sereke yên konferansê ev in; Asta zimanê kurdî di her çar parçeyên Kurdistanê de û gelo em çawa dikarin di navbera zaraveyên kurdî de lêktêgihiştinek bînin holê. Di konferansê de 25 lêkolîn bên pêşkêşkirin.

Ji aliyekî din ve hate ragihandin ku ji Tirkiyeyê dê parlementera BDPê ya Qersê Mulkiye Bîrtane, Parlementerê BDP yê Colemêrgê Adil Kurt, Berdevkê TZP-Kurdî Mehmet Şahîn, Zimanzan Zana Farqînî, Nivîskar Feratê Dengizî, Mamosteyên Kurdî-Derê Wesfiye Akgul, Sebahettîn Gultekîn û Ayşe Navru beşdarî konferansê bibin.

ed (AKnews)

Silav û Rêz
Azad