Das Wort "Kurdistan" ist in der Türkei nun legal?

Peyva 'Kurdistan' ê di televizyonan de îdî serbest be



Azadiya raderrbirrînê garantiya derbirrîna wan dîtinan e ku ji bal pirraniya civakê nayên pesend kirin û eksê fikrên pirraniya civakê ne

Li Tirkiyeyê RTUK-ê (Radyo Televizyon Üst Kurulu - Desteya Bilind a Radyo û Televizyonê) di encama nirxandineka li ser gilînamyekê ku ji ber derbasbûna peyva 'Kurdistan'ê di kanaleka televizyonê de ew bê girtin, çimkî ev gotin 'li dijî yekpareyiya welat û neteweyê tirk e', biryar da ku gotinên 'Kurdistan', û 'özeklik' (otonomî, muxtariyet) û îfadeya 'ayrı bir devlet kurma (damezirandina dewleteka cuda) dikevin çarçeweya azadiya raderrbirrînê û divê ji ber van îfadeyan radyo û televizyon neyên cezakirin.

Desteyê di biryara xwe de wiha got:


"- Wek wasiteyeka giring ya bikaranîna azadiya raderbirrînê, rola medyaya bînerî û bihîzeriyê di pêkanîna pirrengiya jiyana siyasî de giring e.


- Azadiya raderrbirrînê yek ji bingehên civaka demokratîk e. Dîtina ku îfade û gotinên binavkirî yên di programa binavkirî de zêdegavî ne, nerasterast ê rê veke ku behsa ku li wê derê hatiye minaqeşekirin neyê axaftin û bê qedexekirin.


- Îfadeyên ku banga shiddetê di wan de tunene divê di çarçeweya azadiya raderrbirrînê de bên nirxandin. Herwiha azadiya raderrbirrînê garantiya derbirrîna wan dîtinan e ku ji bal pirraniya civakê nayên pesend kirin û eksê fikrên pirraniya civakê ne. Loma divê bê nirxandin ku di programa binavkirî de zêdegaviyek li hemberî prensîbê xizmeta weshangêrriyê nebuye."


Di desteya Bilind a Radyo û Televizyonê de ev biryar bi pirraniya dengan hat wergirtin, endamên MHP-ê sherha mixalifiyê danî bin biryarê.